تامر حسني يخرج عن صمته لبسمة بوسيل “متهورة بس بحبك” والمتهورة ترد

خرج الفنان المصري تامر حسني عن صمته بما يتعلق بمشاكلة الزوجية مع عقيلته الفنانة المُعتزلة بسمة بوسيل، فكتب منشور مطول عبر خاصير (الستوري)في تطبيق تبادل الصور (انستغرام)، أعلن فيه تمسكه بها وبحبها.
وكتب حسني في المنشور، “بسمة حبيبتي، للأسف إنتي مفكرتيش كويس، وسلمتي ودنك لشر السوشيال ميديا، عشان كام تعليق فارغ نسوكي انك عرفتيني وأنا مشهور ودي طبيعة شغلي اللي عرفتيني وحبتيني بيها، إزاي وصلوكي للزعل والبعد فترة، المهم أنا مش هزعل منك ولا يرضيني زعلك، انتي حبيبتي وام ولادي”

وأضاف الفنان، “أنا ضهرك وسندك مهما حصل، بس إللي أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، ايه علاقة الناس بمشكلة شخصية ممكن تتحل بتلفون أو زيارة رحيمة ما بينهم وياريتها مشكلة أصلاً”.
واستطرد حسني، “ربنا جعل ما بينا ومودة ورحمة عشان كده، للأسف انتي عارفة ان في ناسفي طبيعتهم حب خراب البيوت، ومش هنخلص منهم، بس انتي هتخلصي من فكرةانك تسمعيلهم مع انك مكنتيش كده”.
ووجه حسني دعوة لوسيل المغربية، أن تركز مع طاقة المحبين الذين دعوا لهم ولأولادهم بالخير، وتودد إليها قائلاً: “أنا واثق انك دلوقتي زعلانة إنك كتبتي ده، وهو تصرف متهور منك ومش عيب ان الإنسان يغلط ويتعلم وانا ياما علمتك، ولسة هعلمك وكان نفسي الكلام ده يبقى بينا لكن انتي اشركتي الجمهور الكريم، فكان لازم أرد هنا”.
وختم حسني قوله: “بينا حب غالي وحياه كريمة، وأولادنا وبيتنا، أغلى ما فيهم ربنا  يخلينا ليهم ويخليهم لينا؛ متهورة بس بحبك”.

وسرعان ما ردت بوسيل على زوجها، بمنشور على (انستغرام ستوري) “فعلا اتهورت بس عشان بحبك”، وأضافت منشور أخر للفنانة أحلام “يا شاغل بزينك القلوب”؛ هكذا يكون خلاف حسني مع بوسيل قد انتهى بنصيحة أحلام ألا يشمتو أحد بهم.

______
منوعات