شاهد: حفل لمشاهير (تيك توك) و(يوتيوب) يثير جدلاً بغزة

رام الله – دنيا الوطن
أثارت مشاهد فيديو، جدلاً واسعاً بين رواد مواقع التواصل الإجتماعي، إذ تظهر حفلاً لمشاهير (تيك توك) و(يوتيوب) في أحد المحال بمدينة غزة.

وتناقل الرواد مشاهد الفيديو، معبرين عن استغرابهم ورفضهم، لاقامة الحفل، فقال الشاب كريم جودة: “عيال التيكتوك كبرت في غزة وصاروا يتجمعو ويعملوا حفلات ويسموها حفلة مشاهير غزة”.

أما الإعلامي أحمد سعيد، عبر عن استغرابه من الفيديو قائلاً: “معقول شبابنا وبناتنا هيك . مشاهير غزة للامانة فيديو صادم”.

الصحفي محمد جربوع، سخر من الحفل قائلاً: “ايش قصة مشاهير تيك توك غزة وحفلات وقصص وين الجهات المسؤولة عنهم ؟ ما بعرف اذا بقدمو اشي منيح او لا لانه ما عندي حساب بس من فيديو الحفل اعتقد انه محتواهم فخم جدا”.

من جانبها، قالت الصحفية رفيف عزيز: “ماعنديش مشكلة في مشاهير غزة، وماعنديش مشكلة بحفلة تجمعهم وينبسطوا وهيك،بس مشكلتي بعرفش ولا واحد فيهم، هما مشهورين وين وكيف وليش وشو بيعملوا وبيقدموا؟ ولا عشان بيعرفوا بعض عالديق صار اسمهم مشاهير؟ ولاغيروا معنى مشاهير في اللغة العربية وصار أي واحد في خمسة بس بيعرفوه مشهور؟”.

الناشط أبو كمال ثابت، قال عبر صفحته على موقع (فيسبوك): “انتو مقهورين عشان ما حدا عزمكم عالحفلة #تسوقوش_مثاليات”.

 

 

______
منوعات