شاهد: مي سليم ” ممنوع أدخل غرف خواتي.. وأمي منعاني من المطبخ”

كشفت الفنانة مي سليم، عن أسوء طباعها الشخصية، التي تعاني منها، ما يدفع شقيقاتها لطردها من غرفهم، أو حتى من المطبخ.

وقالت مي: “أنا وميس برج العقرب، لكننا مختلفين جدا، هي هادية جدا في البيت، أنا رغاية جدا في البيت، فبيطردوني من الأوض، و ميس منظمة جداً ومثقفة جداً، ومبتحبش تتكلم على الفاضي والمليان، بخش أقولها بتعملي إيه وأنكشها، هي بطبيعتها هادية جدا”، وفق (سيدتي).

واستكملت” أنا بلعب رياضة أنا رغاية جدا جدا جدا في البيت لدرجة إن إخواتي بيطردوني من الأوضه وبيقولولي مي كفاية دوشه!، في حين أن ميس تنام من الساعة 9، وتصحى الساعة 7 الصبح، وأكلها صحي”.

وكشفت مي عن حبها للأكل عكس شقيقتها ومحاولتها الحفاظ على لياقتها ورشاقتها من خلال ممارسة الرياضة وقالت: “أنا بحب الأكل جدا، معرفش أعمل دايت، بأكل كل حاجة، وريقي دايما بيجري، وبلعب رياضة، باكل كل اللي نفسي فيه، بس بكميات، اليوم اللي أعك فيه، أضبط بعده، مش لازم كل يوم بناكل محشي، بحب المكرونة البشاميل والرز المحمر، وكل الأكل اللي بيتخن.

واستكملت مي حديثها مؤكدة أن حبها للأكل لم يدفعها لإتقان فن الطهو وأضافت” الطبيخ نفس ومتعة وفن ودي حقيقة أنا مش فنانة في الأكل، وضايعة، وأمي بتقولي متدخليش المطبخ لإني بعك بزيادة، بس بحب النظافة أغسل مواعين، وأعمل أي حاجة ملهاش علاقة بالطبخ”.

 

______
منوعات